దూరపుకొండలు

ఈ సామెత వినే వుంటారందరూ “దూరపుకొండలు నునుపు” అని..

అక్కడ లండన్ దగ్గర వున్నంత కాలం ఎప్పుడెప్పుడు ఇండియా వెళ్తానా, స్వచ్చమయిన స్వదేశి ఫుడ్ తిందామా అని అనుకోని రోజు లేదు…స్వదేశి ఫుడ్ అంటే కుంపట్లో కాల్చిన చిలగడ దుంపలు, తేగలు, ఇంకా తాటిముంజులు, జామకాయలు, రేగిపళ్ళు ఇలాంటివన్నమాట…ఇప్పుడు ఇండియా వచ్చేసి తాటిముంజులు తప్ప అన్ని ఇష్టమయినవి తినేసాను… ఇక వీటి మీద మోజు ప్రస్తుతానికి తీరినట్టే..ఇప్పుడిక కళ్లు మూసినా తెరిచినా Tacobell లో వెజ్ చాలుపా, Subway లో చికెన్ Teriyaaki సబ్, Mc Donaalds  లో చికెన్ ప్రేమిఎర్ ఇవే గుర్తొచ్చి కావాలనిపిస్తుంది అక్కడున్నప్పుదేమో అక్కడి ఫుడ్ నచ్చదు ఇక్కడున్నప్పుడేమో ఇక్కడి ఫుడ్ నచ్చదు…మనకి ఏది అందుబాటులో లేకపోతే అదే నచ్చుతుంది, దాని మీదే మోజుంటుంది…గుడ్డిలో మెల్ల లా నా ఈ మోజు తిండి విషయంలో మాత్రమే కాబట్టి సరిపోయింది, ఎలానో దిగమింగుతాను, అదే మిగతా విషయాల్లో ఇలా అసంతృప్తి వుంటే లైఫ్ నరకప్రాయమే కదా

మీకెవరికయినా వెజ్ చాలుపా ఇక్కడ ఇండియాలో దొరికే వస్తువులతో చేసుకోవచ్చేమో ఐడియా వుందా? మా అమ్మని చేయమని అడిగితే నరికి పోగులు పెడుతుంది ఇప్పటికే నాకు నచ్చేలా వంట చేయట్లేదని విసిగిస్తున్నా కదా…సో నేనే చేసుకోవాలి…హైదరాబాద్ వెళ్తే అక్కడ subway, Mc Donaalds వుండే వుంటాయి కాబట్టి పర్లేదు…ఇప్పుడు చాలుపా ఎలా ఎలా ఎలా?